23 Sentyabr 2023 10:49
991
MƏMLƏKƏT

Azərbaycana payız gəldi

Bu gün payız fəsli Azərbaycana daxil oldu.

Nəsrəddin Tusi Adına Şamaxı Astrofizika Rəsədxanasından Adalet.az-a verilən məlumata görə, bu, yerli vaxtla saat 10:49:56-ya təsadüf edib.

Bu zaman payız gecə-gündüz bərabərliyi qeydə alınıb. Günəş ekliptika üzrə hərəkət edərək ekvatoru kəsərək Şimal yarımkürəsindən Cənub yarımkürəsinə keçir və həmin andan Şimal yarımkürəsində payız fəsli başlayıb.

Payız fəslinin uzunluğu 89 gün 21 saat 37 dəqiqə 23 saniyə olacaq.  Belə ki, şimal yarımkürəsində payız fəsli dekabrın 22-ə qədər davam edəcək.

Dekabrın 22-i saat 07:27-də qış fəsli payızı əvəz edəcək.