Martın 12-də Strasburqda Avropa Parlamentinin plenar iclası çərçivəsində Bakıda hərbi cinayətlərdə ittiham edilən və məhkəmə prosesi keçirilən Ermənistan vətəndaşları ilə bağlı müzakirə aparılacaq.

Adalet.az xəbər verir ki, plenar iclasda guya insan haqları, "demokratiya və qanunun aliliyinin pozulması ilə bağlı müzakirələr zamanı həbsdəki ermənilər Avropa parlamentarilərinin diqqət mərkəzində olacaq. Məsələ ilə bağlı təcili qərar martın 13-də səsverməyə çıxarılacaq.

Bundan əvvəl “Armenpress” xəbər vermişdi ki, Avropa Parlamentinin üzvləri Strasburqda keçiriləcək plenar iclasda Bakıda qanunsuz saxlanılan erməni əsirlərlə bağlı təcili müzakirələr aparmağı və qətnamə qəbul etməyi planlaşdırırlar. Məlumatda deyillir ki, Ruben Vardanyana qarşı cinayət işi digərlərinin işindən ayrılıb, məhkəmə prosesi ayrıca keçirilməsinə də toxunulacaq. 

Əntiqə Rəşid