İngiltərənin “Arsenal” komandası UEFA Çempionlar Liqasında 1/4 final mərhələsində Portuqaliyada “Sportinq”lə keçirəcəyi ilk oyuna itkilərlə çıxacaq.

Adalet.az xəbər verir ki, müdafiəçi Yurriyen Timber və hücumçu Bukayo Saka bu görüşdə zədə səbəbindən komandasına kömək edə bilməyəcəklər. Bu barədə London təmsilçisinin baş məşqçisi Mikel Arteta açıqlama verib. O, Qabriel Jezus, Deklan Rays və Leandro Trossardın isə meydana çıxmağa hazır olduqlarını bildirib.

Qeyd edək ki, bu gün keçiriləcək görüş Bakı vaxtı ilə saat 23:00-da başlayacaq.