"Apple” şirkəti özünün 40 illik yubileyini qeyd edir.

Adalet.az-ın məlumatına görə, 1976-cı ilin bu günündə əfsanəvi Stiv Cobs və Stiv Voznyak şirkəti qeydiyyatdan keçirib və dünyada "Macintosh” əməliyyat sistemli ilk kompüterin yaradılmasına başlayıblar.

Bu istehsal qarajda təşkil olunub. Ötən illər ərzində ABŞ korporasiyası həvəskar layihədən 600 milyard dollar kapitallaşmaya malik iri şirkətə qədər yol keçib. Şirkətin ötən il üçün xalis mənfəəti 53 milyard dolları ötüb. "Alma məhsulları”nın şəbəkəsi hazırda 18 ölkədə 480 mağaza təşkil edir.

"Apple” musiqi pleyerləri, noutbuklar, masaüstü kompüterlər və smartfonlar istehsal edir. Bu gün "iPhone”dan milyarddan artıq insan istifadə edir.