Almaniyada naməlum şəxs yoldan keçənlərə bıçaqla hücum edib.

Adalet.az xəbər verir ki, insident nəticəsində iki nəfər ölüb. Ölənlər kişi və azyaşlı uşaqdır. 2 nəfər isə ağır bədən xəsarətləri ilə xəstəxanaya çatdırılıb. Yaralılardan biri də uşaqdır. 

Hadisə Aşaffenburq şəhərinin (Bavariya) mərkəzində yerləşən Şontal parkında baş verib.

Yerli mətbuatın məlumatına görə, bağça müəllimləri beş azyaşlı uşaqla parkda gəzirmişlər. Hadisə şahidlərinin sözlərinə görə, uşaqlar parkdan çıxarkən hücumçu qrupu təqib edərək onlara hücum edib.

Polis artıq şübhəlilərdən birinin, 28 yaşlı əfqanlının həbsi barədə məlumat verib. Onun hərəkətlərinin motivləri müəyyənləşdirilir.