Adı Epşteynin sənədlərində yer alan Bill Qeyts Hindistanda keçirilən süni intellekt sammitindəki çıxışını ləğv edib. 

Adalet.az xəbər verir ki, Qeyts Fondu "Microsoft"un həmtəsisçisi və keçmiş baş direktoru Bill Qeytsin Hindistanın Yeni Dehli şəhərində keçirilən "Hindistan süni intellektinin təsiri sammiti"ndəki açılış nitqinin ləğvinin "zirvə toplantısının əsas prioritetlərinə diqqət yetirmək" üçün edildiyini bildirib. Lakin konkret bir səbəb açıqlanmayıb. 

Qeytsin adı Ceffri Epşteynin sənədlərində dəfələrlə yer alıb: 2011-ci ildən bəri elektron poçt yazışmaları ictimai müzakirələrə səbəb olub.

Qeyts Epşteynlə münasibətlərini "axmaqlıq" adlandırıb və təəssüfünü bildirib.

Yetkinlik yaşına çatmayan qızlara qarşı cinayətlərdə ittiham olunan Epşteyn 10 avqust 2019-cu ildə Metropoliten İslah Mərkəzindəki kamerasında ölü tapılıb. FTB istintaqı onun ölümünün intihar olduğu qənaətinə gəlib.