"2024-cü ildə ölkə üzrə qeydə alınan cinayətlər azalıb" - Baş prokuror

Xəbər verildiyi kimi, yanvarın 27-də Azərbaycan Respublikasının Baş Prokurorluğunda 2024-cü ildə prokurorluq orqanları tərəfindən cinayətkarlığa qarşı mübarizə, istintaq işi, prokuror nəzarəti sahələrində görülmüş işlərin vəziyyəti və qarşıda duran vəzifələrin müzakirəsinə həsr olunmuş Geniş Kollegiya iclası keçirilib.
Adalet.az xəbər verir ki, geniş Kollegiya iclasında Baş prokuror Kamran Əliyev çıxış edib.
Baş prokuror Kamran Əliyev prokurorluğun əsas fəaliyyət istiqamətləri üzrə görülən işlər və statistik göstəricilər barədə məlumat verib.
Baş prokuror bildirib ki, 2024-cü il ərzində 2023-cü illə müqayisədə 3432 (9,3%) fakt cinayət az qeydə alınıb.
Həmçinin, əlavə edilib ki, 2024-cü ildə ölkə ərazisində 33.379 cinayət qeydə alınmaqla onların 87,6 faizinin açılması təmin edilib, ümumilikdə ölkə üzrə cəmi 17.155 cinayət işinin istintaqı tamamlanıb ki, bunlardan 1086-sı prokurorluq orqanlarında isintaq edilib.
Bu müddət ərzində prokurorluq orqanları tərəfindən 928 şəxs barəsində 735 cinayət işi, ümumilikdə isə digər istintaq qurumları ilə birgə 14.983 şəxs barəsində 13.551 cinayət işinin ibtidai istintaqı yekunlaşdırılaraq baxılması üçün məhkəmələrə göndərilib.
Digər Xəbərlər

Arkadi Qukasyanın cinayət işi üzrə verdiyi ifadələr elan edilib

Dinc əhaliyə humanitar dəhliz vermədilər - Məhkəmə

İlkin Süleymanovun şikayəti üzrə məhkəmənin vaxtı bilindi

Ermənistan ordusunun hücumları nəticəsində zərərçəkmiş şəxslər ifadə verdi

Körpələrin sayı çox olduğu üçün otağa girmək mümkün deyildi - MƏHKƏMƏ

"Qətlə yetirilmiş qardaşımın nəşi indiyədək tapılmayıb" - Zərərçəkmiş şəxs

Qurban Məmmədov və Tural Sadıqlı ilə bağlı VACİB XƏBƏR
