Ukrayna Prezidenti Vladimir Zelenski Milli Təhlükəsizlik və Müdafiə Şurasının “Motor Siç” şirkətinin keçmiş rəhbəri, Ukrayna Ali Radasının sabiq deputatı İqor Mosiyçukun oğlu Aleksandr Boquslayevə qarşı sanksiyalar haqqında qərarının icrası barədə fərman imzalayıb.

Adalet.az xəbər verir ki, bu barədə Ukrayna mətbuatı məlumat yayıb.

Məlumata görə, Zelenskinin administrasiyasının saytında dərc olunan fərmanlarda 10 nəfərin adı qeyd olunub:

"Siyahıda Çeçenistan Respublikası rəhbərinin köməkçisi, respublikanın milli siyasət, xarici əlaqələr, mətbuat və informasiya naziri Əhməd Dudayev də var. Həmçinin bir sıra Ukrayna və Kipr şirkəti ilə yanaşı, bir Niderland şirkəti də daxil olmaqla 9 hüquqi şəxsə qarşı sanksiyalar tətbiq edilib".