Üzərində “Kalaşnikov” gəzdirən şəxs tutuldu - VİDEO

Mingəçevirdə üzərində “Kalaşnikov” gəzdirən keçmiş məhkum tutulub.
Mingəçevir Şəhər Polis Şöbəsinin əməkdaşları tərəfindən əllərdə saxlanılan qanunsuz odlu silah-sursatın aşkar edilməsi məqsədilə növbəti tədbir həyata keçirilib.
DİN-in Mətbuat Xidmətinin Şəki regional qrupundan verilən məlumata görə, şəhər ərazisində Eldəniz adlı şəxsin üzərində odlu silah-sursat gəzdirməsi barədə polis əməkdaşlarına məlumat daxil olub. Keçirilən təxirəsalınmaz əməliyyat-axtarış tədbirləri nəticəsində əvvəllər də törətdiyi cinayətlərə görə ümumilikdə dörd dəfə məhkum olunmuş Eldəniz Əliyev saxlanılıb. Şəxsi axtarış zamanı onun üzərində daşıdığı sellofan torbadan “Kalaşnikov” markalı avtomat, həmin silaha məxsus daraq və 10 ədəd patron aşkar edilərək götürülüb. E.Əliyev ifadəsində silah-sursatın ona məxsus olduğunu, bir müddət əvvəl tapmasına baxmayaraq, polisə təhvil verməyərək özündə saxladığını bildirib.
İlkin araşdırma zamanı saxlanılan şəxsin silah-sursatı satmaq niyyətində olduğu müəyyən edilib.
Faktla bağlı Mingəçevir Şəhər Polis Şöbəsində cinayət işi başlanılıb, araşdırmalar davam etdirilir.
Digər Xəbərlər

Cinayətdə şübhəli bilinən 29 nəfər saxlanıldı

Cəbrayılda əməliyyat - Bir nəfər həbs edildi - VİDEO

Qayınatası tərəfindən öldürülən Günel müəllim imiş - VİDEO

DTX və DSX əməliyyat keçirdi - 42 kiloqram narkotik götürüldü - FOTO

Cinayətdə şübhəli bilinən 52 nəfər saxlanıldı

Körpə qızı ilə yatarkən qardaşı tərəfindən qətlə yetirildi - Bakıda dəhşətli cinayət

DİN BNMİ 17 kq marixuana aşkarladı - Əməliyyat görüntüləri
