Xəbər vermişdik ki, 37 il əvvəlin bu günü 1988-ci il 20 fevralda ermənilər Xankəndində Vilayət partiya komitəsinin binası qarşısında 3 min nəfərin iştirak etdiyi növbəti mitinqlərini keçiriblər. Həmin gün DQMV xalq deputatları Sovetinin XX çağırış növbədənkənar sessiyası Qarabağın ( Artsax) Azərbaycandan qoparılaraq Ermənistana birləşdirilməsi ilə bağlı qərar qəbul ediblər.

Adalet.az xəbər verir ki, Paşinyan bu münasibətlə ermənilərə növbəti sürprizini çatdırıb. Beləki, İrəvanın Şenqavit rayonunda “Artsax” adlı otelin adını binadan söküb.
"Hraparak" yazır ki, rayon rəhbərliyi lövhədəki yazı ölçünün böyük olduğunu nəzərə alaraq lövhənin dəyişdirilməsini tələb edib:" Bu, çox böyükdür, standartdan kənardır, xüsusi ölçü olmalıdır, bilmirəm, böyüdəcəklər, ya kiçik edəcəklər, bu, texniki məsələdir, onların dedikləri standartlar daxilində olmalıdır, yəni bütün şəhərdə belə qəbul olunur”.
Qeyd edək ki, ermənilərin qəzəbləndirən tək "Artsax" yazılmış bu lövhənin çıxarılması deyil, bundan bir neçə gün əvvəl Komitas meydanından qondarma artsaxın əski parçalarının oradan götürülməsi, Ermənistan Parlamentinin spikeri Alen Simonyanın Qarabağı Artsax deyil, öz doğma adı ilə adlandırması və s. hadisələrdir. Onlar düşünür ki, bütün bu əmrlər Paşinyan hakimiyyətinin verdiyi "düşməncə" qərarlardır .

Əntiqə Rəşid