Antalya Baş Prokurorluğu tərəfindən başladılan rüşvət və korrupsiya istintaqı davam edir.

Adalet.az  NTV telekanalına istinadən xəbər verir ki, Antalya Böyükşəhər Bələdiyyəsinin törəmə müəssisəsi olan ALDAŞ İnfrastruktur İdarəetmə və Məsləhət Ticarət A.Ş.-yə qarşı "ixtisaslı mənimsəmə", "müqavilənin icrasında saxtakarlıq", "nəzarət vəzifəsinə laqeyd yanaşma", "etimaddan sui-istifadə"  ittihamları əsasında şirkət vasitəsilə edilən xərclərlə bağlı əməliyyat başlanıb.

İstintaq çərçivəsində Antalya Böyükşəhər Bələdiyyəsinin sədri vəzifəsindən uzaqlaşdırılan və hazırda həbsdə olan Muhittin Böcek də daxil olmaqla 22 şübhəli haqqında iş başlanıb və 14 nəfər nəzarətə götürülüb.