"Avropa Ukraynaya çətin seçimlər etməkdə kömək etməlidir. Ərazi məsələsi xüsusilə çətindir".

Adalet.az xəbər verir ki, bunu Türkiyənin xarici işlər naziri Hakan Fidan bildirib.

"Avropa Ukraynaya bəzi çətin seçimlər etməyə kömək etməlidir... böyük itkilərin qarşısını almaq üçün, yəni daha yaxşısı üçün. Burada fəlakətin qarşısını almalı, pis nəticəni aradan qaldırmalıyıq. Buna görə də seçim edilməlidir. Bilirəm ki, bu, onlar üçün çətindir. Ərazi məsələsi xüsusilə çətindir. Allah hər kəsin belə bir şeylə qarşılaşmasının qarşısını alsın", - Fidan deyib.

O əlavə edib ki, təhlükəsizlik zəmanətləri ilə bağlı tələblər də var ki, bu da çətin məsələdir. O bildirib ki, Türkiyə iki tərəf arasında danışıqları asanlaşdırmağa davam edir.

Türkiyənin xarici işlər naziri həmçinin qeyd edib ki, İstanbul danışıqlara yenidən ev sahibliyi etməyə hazırdır.