adalet.az header logo
  • Bakı 8°C
  • USD 1.7
25 Yanvar 2022 16:30
755
ELM VƏ TƏHSİL

"Tələbələrin Qarabağda işləməyini mənfi hal saymıram" - Etibar Əliyev Aqil Abbasın təklifini DƏSTƏKLƏDİ

Deputat Aqil Abbas Milli Məclisin ötənilki payız sessiyasında keçirilən plenar iclasında tələbələrin Tələbə İnşaat Dəstəsinə qoşulması və Qarabağda işləməyə sövq edilməsi ilə bağlı təklif irəli sürüb.

Adalet.az xəbər verir ki,Bakıvaxtı.az-a açıqlama verən millət vəkili Etibar Əliyev həmkarının bu fikrini dəstəklədiyini bildirib: “Mən Aqil Abbasın bu fikrini mütərəqqi hesab edirəm. Biz Sovet dönəmində təhsil almışıq. O dövrdə bizi ikinci və üçüncü kursun yay tətilində həm Tumenə, həm də Murmanska tələbə inşaat dəstəsinə dəvət etmişdilər. Biz orda məktəb tikmişik. Bəlkə də bizim o məktəbi inşa etməyimiz tarixdə qalıb".

Deputat hesab edir ki, bütün hallarda tələbələrin yay tətilində məşğuliyyəti üçün imkanlar yaratmaq lazımdır.

“Artıq torpaqlarımız işğaldan azad olunub və orda quruculuq işləri aparılır. Əlbəttə ki, tələbələrin Qarabağda işləməyini mənfi hal saymıram. Hər bir halda bu, özü də sosiallaşmaq üçün bir vasitədir. Əvvəllər yataqxanalar var idi. Yataqxanalar böyük sosiallaşma mərkəzi idi. Tələbələr sosiallaşmaqla bir-birləri ilə fikir mübadiləsi apara, ərazilərimizlə tanış olmuş olarlar”, - deyə Etibar Əliyev bildirib.