“İranın Ali rəhbəri Əli Xamenei Rusiya deyil, Türkiyəyə gedə bilər. İranın Ali dini rəhbəri Ə.Xamenei etirazlar silahlı münaqişə mərhələsinə keçərsə, ABŞ və İsrailin hücumu baş verərsə, Rusiyaya deyil, Türkiyə gedə bilər. Çünki, Rusiya Ə.Xamenei üçün bir növ İranı satmış bir ölkə kimi qəbul ediləcək. Türkiyə Ə.Xamenei qəbul etməyə hazırdı”. 

Adalet.az xəbər verir ki, bunu politoloq Məhəmməd Əsədullazadə deyib. 

“Türkiyə regional gücdür və İrana qarşı sanksiyalara qoşulmayıb. Türkiyə İrana qarşı daima qonşuluq prinsipləri üzərindən yanaşıb. Türkiyə İranın Ali rəhbərinə sığınacaq verə və yüksək səviyyədə təhlükəsizlik təmin edə bilər. Ə.Xameneinin İranı tərk etməsi son hədd olar. Bu, İran İslam inqilabının iflası deməkdir. SEPAH və digər güc strukturları çalışır ki, xarici təhdidlərin qarşısını alsın. Amma, daxili etirazları körükləyən məsələləri kənara qoyub”, - deyə o, bildirib.

Vasif ƏLİHÜSEYN