Sentyabrın 16- da ölkəmizin bütün təhsil ocaqlarında dərslər başlayacaq.

Ona görə də bir qayda olaraq Bakıda ilk dərs günü avtomobil sıxlığı yaşanır. Övladlarını orta və ali məktəblərə gətirən valideynlər gərgin anlar keçirirlər. Bu məsələlər həmişə yol polisini narahat edir. Hansı ki, hər dərs ili başlayanda yol polisi öncədən  nəqliyyat vasitələrinin sahiblərini maarifləndiri və onlara xatırladır ki, ehtiyac olmadığı halda şəxsi avtomobillərdən istifadə etməsinlər. Amma aparılan təbliğata baxmayaraq,  yeni əksər sürücülər öz vərdişlərindən  əl çəkmirlər.  

Bu dəfə də Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis kapitanı Toğrul Nəsirli yeni dərs ilinin açılısı ilə əlaqədar olaraq valideynlərə, sürücülərə müracət edərək bildirib ki, həmin gün imkan daxilində şəxsi avtomobillərdən mümkün qədər az istifadə etsinlər. Heç şübhəsiz ki, bundan nəticə çıxaranda olacaq, çıxarmayanda! Hər halda, sürücülər Toğrul Nəsirlinin tövsiyələrinə əməl etsələr, ilk növbədə problem yaşamazlar və  digər nəqliyyat vasitələri üçün problem yaratmazlar. Və bütün problemlərin yol polisinin üstünə atmaq məsuliyyətsizlik, ədalətsizlikdir!

Emil Faiqoğlu