Hələ payız gəlməmişdən ölkəmizdə payız havası  hökm sürür.

Leysan yağışlar yağır, güclü külək əsir, dolu düşur və hətta Şahdağa qar yağır. Bu çür anomal hava şəraiti dünyanın hər yerində yaşanır. Bir neçə gündür ki, ölkəmizdə qeyri-sabit hava şəraiti  davam edir. Bölgələrə leysan yağışlar , dolu yağır, sel gəlir. Artıq sentyabrın  10-u səhər saatlarından  Bakıda, Sumqayıt və digər yaşayış yerlərində  güclü külək əsir.

Bir çox yerlərdə ağaclar qırılıb və kökündən çıxaraq aşıb. Aydındır ki, küləkli havada  yüksək mərtəbəli binanın və  qurumuş yaşlı ağaçların yandan  getmək , orada durmaq  çox təhlükəlidir.    

Bu barədə öncədən Fövqəlada  Hallar Nazirliyi  əhalini  xəbərdar edib. Elə bəlkə buna görə də insanlar ehtiyatla olub, güclü külək əsəndə  xəsarət alanlar olmayıb. Ümumiyyətlə , belə qeyri-sabit havada həmişə daha diqqətli olmalı, məsuliyyət hissi unudulmamalıdır!

Emil Faiqoğlu