Yeni Günəşlidə yaşayan  sakinlərin marşrut sarıdan heç bəxtləri gətirmir.

Üzün illərdir ki,  bu yaşayış məntəqəsinə hərəkət edən və sərnişin daşıyan 50, 36, 104 nömrəli marşrutlar əhaliyə lazımi səviyyədə xidmət göstərə bilmir. Bilirsiniz , niyə? Çunki həmin avtobuslar  köhnədir və istismar müddətini  başa çatdırıb. Sərnişinlər yayda istidən bişir, qışda soyuqdan donur. Kondinsioner sistemi olmayan  avtobuslarda isti yay  günlərində mənzilbaşına getmək çox çətindir. 50 nömrəli marşrutda işləyən  avtobuslarda vəziyyət daha  pisdir.

Çünki bu avtobusların  hamısı istismar müddətini çoxdan başa vurun. Elə bir gün olmaz ki, bu avtobusların  biri qrılıb yarıyolda qalmasın . Hələ üstəlik, isti və soyuq  havalarda yolda qalan  sərnişinlər olmazın  əziyyətləri ilə üzləşirlər. Belə hadisələr sürücüləri narahat eləsə də, amma marşrutun  sahibi olan şirkətin rəhbərliyini  qətiyyən düsündürmür.  

Onların məsuliyyətsiz  hərəkətlərinin  altını sərnişinlər çəkir. Bizə elə gəlir ki, onlar düzələn deyil. Ona görə də  bu marşrut həmin sahibkarın əlindən alınmalı və digər  şirkətə verilməlidir. Bəlkə bundan sonra bu marşrutda  vəziyyət  düzələ! Gözləyək görək  Bakı Nəqliyyat Agentliyi bu addımı nə  vaxt atacaq?!

Emil Faiqoğlu