Söyüdlü kənd sakinlərinin tibbi müayinələrinin nəticələri AÇIQLANDI

“Söyüdlü kənd sakinləri arasında aparılan müayinələr onu göstərdi ki, orada yaşayanların sağlamlıq vəziyyəti qənaətbəxşdir”.
Adaletaz xəbər verir ki, bunu səhiyyə nazirinin müavini Nadir Zeynalov jurnalistlərə açıqlamasında deyib.
Ərazidə olan insanların onkoloji xəstəliklər üzrə göstəricilərə gəlincə, o, söyləyib ki, Söyüdlü kəndində bu tip xəstəlikdən əziyyət çəkən sakinlər var: “Lakin xəstəlik üzrə nisbi rəqəm nəinki Gədəbəydən, eləcə də ölkə üzrə göstəricilərdən aşağıdır. Söyüdlü kəndində ağır metalların sağlam insanlara təsiri barədə heç nə tapılmadı. Bunu da onunla əlaqələndirmək olar ki, əhali istifadə etdiyi bulaqların sularında o dərəcə artıq göstəricilər yoxdur”.
Dağ-mədən sənayesinin insan sağlamlığına təsiri məsələsinə gəlincə, nazir müavini bildirib ki, bu iki qrupa bölünür: “Bunun zavodda işləyən əməkdaşların sağlamlığına təsiri ola bilər. Çünki onlar daha çox həmin metalların kimyəvi təsirlərinə məruz qalır. İşçilərin vaxtaşırı tibbi müayinəsi təşkil olunur. Onların son dəfə müayinəsi 2019-cu ildə aparılıb. Hesabatda həmin əməkdaşların növbəti müayinəsinin lazım olduğunu qeyd etmişik. Yəni, azı ildə bir dəfə həmin müayinələr təşkil olunmalıdır. Kimyəvi maddələrin ətraf mühitə vurduğu ziyan ikinci qrupa aiddir. Bu da normalardan çox olmayıb”.
Digər Xəbərlər

Sabah hava necə olacaq? - PROQNOZ

Azərbaycana 3 minə yaxın şəxsin girişinə QADAĞA QOYULDU

Kərim Vəliyev Ermənistanla sərhəddəki hərbi hissələrdə olub, göstərişlər verib - VİDEO

DTX-nin Akademiyasının 25 illiyi münasibətilə tədbir təşkil edilib

Rəşid Mahmudov: “Əgər uşaq qızılcaya yoluxubsa, bu qidaları...”

Azərbaycan 2050-ci ilə qədər bu öhdəliyi götürüb - Tağıyeva

Azərbaycan Türkiyənin zəlzələ bölgəsinə növbəti yardım göndərib - FOTO
jpg-1701425736.jpg)