Kike Setyenlə yollarını ayıran İspaniyanın “Vilyarreal” klubunun yeni baş məşqçisi Raul Qonsales ola bilər.

Bu barədə məşhur insayder Fabritsio Romano məlumat yayıb. O bildirib ki, tərəflər bu gün yekun qərarı vermək üçün müzakirələr aparacaqlar. “Real Madrid” 47 yaşlı mütəxəssisi istəyəcəyi təqdirdə onu buraxmağa hazırdır.

Qeyd edək ki, Madrid təmsilçisinin canlı əfsanəsi hazırda “kral klubu”nun ikinci komandasını çalışdırır. O, daha əvvəl U-19 və gənclər komandalarında da işləyib.