"İran yeganə ölkədir ki, müharibədə ölən siyasi və hərbi  rəhbərlərin ümumi sayı, ölən əsgər, MAXE, gizir və zabitlərin sayından çoxdur. Bu  "başsızlasdırma və tükəndirmə" müharibəsidir". 

Adalet.az xəbər verir ki, bunu hərbi ekspert Ədalət Verdiyev deyib. 

"Maraqlı bir detal ondan ibarətdir ki, İranda ölən siyasi-hərbi rəhbərliyin vəzifəsi, adı və soyadı barədə İsrailin verdiyi məlumatlar sonradan artıqlaması ilə İran tərəfindən təsdiqini tapır. İranın ABŞ və İsrailin itkiləri ilə bağlı verdiyi rəsmi məlumatların isə bir dənəsi təsdiqini tapmır. Bu isə əksər nüfuzlu medianın və ictimai şəxslərin İran tərəfinin məlumatlarına etibar etməməsi ilə nəticələnir. Türkiyə mediası ilə vəziyyət İsrail ilə münasibətlərin gərgin olması səbəbindən bir qədər fərqlidir, amma bu da müvəqqəti xarakter daşıyır. 

Digər vacib məsələ. Düşmən kəşfiyyatının İran ərazisində olduğu qədər dəqiq və sərbəst işlədiyi ikinci bir müharibəyə hərb tarixində rast gəlinməyib. 

Mövcud vəziyyətdə İran generalları və  siyasi liderlər sağ qalmaq üçün İsrail və ABŞ əleyhinə sərt bəyanatlardan çəkinməlidir", - deyə o, bildirib. 

Vasif ƏLİHÜSEYN