“Bir çox müsəlman ölkələrində Ramazan ayında dükanlar, ticarət müəssisələri qiymətlərdə endirim edir, kasıb təbəqənin durumuna uyğun əlavə yardımlar həyata keçirirlər. İnanırlar ki, bu xeyirxahlığın qarşılığında həm savab qazanırlar həm də kasıb adamları sevindirmiş olurlar”.

Adalet.az xəbər verir ki, bunu ilahiyyatçı Tural İrfan deyib. 

“Bizdə isə tam tərsinədir. Ticarət müəssisələrinin sahibləri düşünür ki, ildə bir dəfə ələ düşən fürsəti fövtə vermək olmaz, mütləq əhalini soymaq lazımdır. İftar adı ilə menyular, qiymətləri daha da bahalaşdırmaq, mümkün qədər saxta məhsulları da gözünə qatıb camaata sırımaqla maddi qazancı artırmağı düşünürlər. Şübhəsiz ki, bu dindən ticarət məqsədi ilə sui-istifadə halıdır və imansızlıqdan irəli gəlir”, - deyə o, bildirib. 

Vasif ƏLİHÜSEYN