“Ramazan ayı hər il insanların yadına salır ki, insanın gücü onun fiziki və maddi imkanları ilə məhdudlaşmır. Əsl güc daxili intizamda, dəyərlərə sadiqlikdə və mənəvi tarazlıq qurmaq bacarığındadır”.

Adalet.az xəbər verir ki, bunu iqtisadçı Eldəniz Əmirov deyib. 

“Həmçinin bu ay cəmiyyət olaraq empatiyanı gücləndirir, sosial məsuliyyəti daha dərindən hiss etdirir və paylaşma mədəniyyətini möhkəmləndirir. Deməli, bu ay yenidən düşünmək üçün fasilə və mənəvi platformadır. Arzu edirəm ki, bu ay hər birimiz üçün daxili sakitliyin, düşüncə aydınlığının və yeni imkanlara açılan ümidlərin başlanğıcı olsun. Qoy niyyətlərimiz saf, qərarlarımız müdrik, yolumuz açıq olsun. Ramazan ayınız mübarək”, - deyə o, bildirib. 

Vasif ƏLİHÜSEYN