“Avropa İttifaqı Ermənistanla imzaladığı sənətdə Azərbaycana qarşı hər nə qədər də hər hansı bir təxribatın, yaxud da ki, uyğunsuz ifadələrin, fikirlərin olmadığını bildirsə də əslində belə deyil. Reallıq budur ki, ordakı bir sıra nüanslar, xüsusən də Qarabağda yaşamış ermənilərə qaçqın statusuunun verilməsi, onların həmin ərazilərə geri qaytarılması kimi fikirlərə düşməsi də əslində bir növ Qərbin və Ermənistanın Azərbaycanla bağlı sabit fikirdə olmadığı, riyakar yanaşmaları özlərində ehtiva etdiyininin bariz nümunəsidir”.

Bunu Adalet.az-a açıqlamasında politoloq Samir Hümbətov deyib.

“Yəni beynəlxalq hüquqla təsbit olunan bir sıra nüanslar burada artıq keçərsiz olur. Qərb Ermənistan üzərindən regiona təsirini möhkəmlətmək istəyir. Hesab edirəm ki, Azərbaycan nöqteyi-nəzərindən razı qalınacaq bir məsələ deyil. Ermənistanın da bu cür hərəkətləri 8 avqust 2025-ci il Vaşinqton anlaşmasına zidd olaraq görülə bilər. Bu isə həmin prinsipləri pozmaq deməkdir. O baxımdan düşünürəm ki, Ermənistanın belə avantürist siyasətə baş qoşması nəticə etibarı ilə onu Azərbaycanla qarşı-qarşıya qoya bilər. Yaxud da Qərb ölkələrinin Azərbaycanla və regionla bağlı məkirli planları Ermənistan üzərindən həyata keçirilə bilər”, - deyə politoloq bildirib.  

Vasif ƏLİHÜSEYN