Qazaxıstanda yaşayış binası uçub - Ölənlər var
Qazaxıstanın Karaqanda vilayətində çoxmərtəbəli yaşayış binası qismən uçub. Hadisə Şaxan qəsəbəsində qeydə alınıb.
TASS-ın məlumatına görə, xilasedicilər dağıntılar altından üçü uşaq olmaqla, 9 nəfərin meyitini çıxarıb. Hazırda xilasetmə əməliyyatı davam etdirilir. Yaralılar xəstəxanaya yerləşdirilir.
İlkin ehtimala görə, ötən axşam baş verən hadisəyə çoxmərtəbəli binanın istilik qazanının partlaması səbəb olub. İnsidentin dəqiq səbəbləri araşdırılır.