Oman sahillərində neft tankerinin vurulduğu bildirilir.

Adalet.az xəbər verir ki, bu barədə Böyük Britaniya Hərbi Dəniz Qüvvələrinin Dəniz Ticarət Daşımalarının Koordinasiyası Mərkəzi (UKMTO) məlumat yayıb.

Bildirilir ki, hadisə Omanın şimal-şərqində, Şisa sahillərindən təxminən 9 dəniz mili məsafədə baş verib.

Naməlum obyektin tankerə dəyməsi nəticəsində gəminin mühərrik otağı zədələnib və tanker istifadəyə yararsız vəziyyətə düşüb.

İlkin məlumata görə, ekipaj üzvlərinin hamısı təhlükəsizlikdədir. Hadisədən sonra dənizin çirklənməsi və ya neft sızması ilə bağlı hər hansı məlumat daxil olmayıb.