“O, həmişə duruşunu, ləyaqətini saxlayan çox ciddi insanlardan biri idi...”

“Əlbəttə, Elxan Qasımovun vəfatı üzücüdür. Onu tanıyan adamlar üçün isə ikiqat üzücüdür. Ona görə ki, həm şəxsiyyət, həm də kino aktyoru, rejissor olmaq etibarıyla cəmiyyətdə çox böyük nüfuzu var idi. Sənət adamları arasında çox sevilirdi”
Bunu Adalet.az-a açıqlamasında professor Qulu Məhərrəmli Xalq artisti Elxan Qasımovun vəfatı haqda danışarkən deyib. Q.Məhərrəmli cəmiyyətimizin çox böyük bir itki verdiyini bildirib:
“Bizdə belə çox az-az olur ki, bir sənətkar həm də öz şəxsiyyəti ilə insanlar arasında nüfuz qazanır. İndi bəzən ictimai hadisələrə, bu və ya başqa prosesə münasibət baxımından bizim sənət adamları ciddi yanlışlıqlara yol verirlər. Amma Elxan Qasımov həmişə duruşunu, ləyaqətini saxlayan çox ciddi insanlardan biri idi. Mən şəxsən onu tanıyırdım, yaxın münasibətlərimiz var idi. Ona görə xəstəxanaya düşmə xəbərindən və vəziyyətinin ağırlığını biləndən sonra çox narahatlıq keçirirdim. Hesab edirəm ki, Azərbaycan cəmiyyəti çox ciddi bir itki verdi. Təkcə kino, sənət aləmi yox, ümumiyyətlə ictimai resurs, milli dəyər baxımından Elxan Qasımovun vəfatı çox ağır itkidir. Allah ona rəhmət eləsin!”.
Vasif Əlihüseyn
Digər Xəbərlər

Dövlət Komitəsi “Vətəndaş iştirakçılığının təşkili” mövzusunda seminar keçirib

Bəzi rayonlarda temperatur 39 dərəcəyə çatıb

Prezident "İstilik təchizatı haqqında" qanunu təsdiqləyib

Aqil Abbas Ağdama köçmək istəyir

Şəxsiyyət vəsiqələrinin forması dəyişir

Əmlakın tələbkar tərəfindən əldə edilməsi yeni qaydada rəsmiləşdiriləcək

Xüsusi icra məmuru bu hallara görə məsuliyyət daşıyacaq - SİYAHI
