İsrailin baş naziri Benyamin Netanyahu zəhərlənib.

Adalet.az xəbər verir ki, baş nazir bu səhər Nazirlər Kabinetinin həftəlik iclasını yarımçıq tərk etməli olub.

Netanyahunun ofisi onun xəstə olduğu və növbəti üç gün ərzində evdən işləyəcəyi barədə bəyanat yayıb.

Baş nazirin ofisi bildirib ki, Netanyahu özünü pis hiss etməyə başlayıb və onu evində Hadassah Universiteti Xəstəxanasının daxili xəstəliklər şöbəsinin müdiri müayinə edib.

Baş nazirə korlanmış qidanın qəbulu nəticəsində yaranan bağırsaq iltihabı diaqnozu qoyulub. Netanyahunun vəziyyətinin əlavə müayinələrdən sonra yaxşı olduğu bildirilib. O, xəstəlik nəticəsində yaranan susuzlaşdırmadan sonra venadaxili mayelər qəbul edir.

Qeyd edək ki, 75 yaşlı Netanyahu son illərdə sağlamlıq problemləri ilə mübarizə aparır.