"Nərmin işi"ndə təqsirləndirilən İlkin Süleymanova HÖKM OXUNDU

Gəncə Ağır Cinayətlər Məhkəməsində Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanova hökm oxunub.
Adalet.az xəbər verir ki, məhkəmə iclası hakim Dadaş İmanovun sədrliyi ilə keçirilib.
Hökmə əsasən, İ.Süleymanov 18 il müddətinə azadlıqdan məhrum edilib.
Qeyd edək ki, prokuror çıxışında İ.Süleymanovun 20 il müddətinə azadlıqdan məhrum edilməsini istəmişdi.
Xatırladaq ki, Tovuz rayonunun Dondar Quşçu kənd sakini N.Quliyeva 2019-cu il noyabrın 21-də itkin düşüb, onun meyiti 2020-ci il yanvarın 6-da yandırılmış halda tapılıb. 2020-ci il yanvarın 10-da isə hadisəni törətməkdə şübhəli bilinən Dondar Quşçu kənd sakini, 1973-cü il təvəllüdlü İ.Süleymanov saxlanılaraq istintaqa cəlb edilib.
Ona Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələrində nəzərdə tutulan ittiham elan olunub.
Digər Xəbərlər

Canyataqda 6 sülhməramlı ölüb, 1-i yaralanıb - RƏSMİ

"Həmin şəxslər məsuliyyətə cəlb olunacaq" - Baş Prokurorluq

Axtarışda olan 3 vətəndaşımız ölkəmizə ekstradisiya edildi

"Azad edilmiş ərazilərdə 98 şəxsə aid meyit qalıqları aşkarlanıb" - Hərbi prokuror

Xarici ölkələrin Baş prokurorları Fəxri Xiyabanı və Şəhidlər Xiyabanını ziyarət etdi

Türkiyənin Baş Prokuroru Şuşa və Füzulidə oldu - FOTO

Vaqif Xaçatryan Bakıdan ailəsinə məktub göndərdi
