“Neftçi” heyətini yeni futbolçu ilə gücləndirib.

Bu barədə klubun rəsmi saytı məlumat yayıb.

Məlumata görə, “ağ-qaralar” braziliyalı hücumçu Mateus Saldanyanın keçidini həll edib.

Bildirilib ki, braziliyalı hücumçu 1 il müddətinə icarəyə götürülüb. 24 yaşlı forvard yeni komandasında 9 nömrəli formanı geyinəcək.

Qeyd edək ki, forvard son olaraq Yaponiyanın “Cef Yunayted İtixara Tiba” klubunun formasını geyinib.