Sosial şəbəkə partlayır, beş nəfərin qatili də yaddan çıxıb. Hamı  156 saylı məktəbdə baş verən iyrənc hərəkəti müzakirə edir. Əslində bu, iyrənc hərəkət deyil, sinif yoldaşları bir qızı  linç edirlər. 

İndi belə bir vaxtda qəfil bir müəllim gəlib çıxsaydı, həmin linç edən şagirdlərin hərəsinə bir şapalaq vursaydı, görün nə mənzərə yaranardı? Şagirdin linç hərəkətinə məruz qalması təmiz yaddan  çıxardı, hamı düşərdi müəllimin  üstünə. Şapalaq dəyən  uşaqların  valideynləri də bir tərəfdən. Bu dəfə müəllim  linç edilərdi, işdən  çıxarılardı, nə bilim daha nə. 

Və saytlarda, mətbuatda  yazacaqdılar ki, uşaqlardı da  zarafat ediblər. Necə ki məktəbin direktoru açıqlama verdi ki, şagird də, valideyni də məktəbə dəvət olunub, psixoloq söhbət aparıb, şagird deyib ki, zarafat  etmişəm. Buna türklər «eşşək  zarafatı» deyirlər.

Nə qədər ki müəllimlər  basqı altında yaşayacaq, şagirdlərdən qorxacaq, tərbiyəsiz uşaqlara güldən ağır bir söz deyə bilməyəcək, belə hadisələrin  də sayı artacaq.