Müdafiə Nazirliyinin sabiq idarə rəisi həbs olundu - YENİLƏNİB

Azərbaycan Respublikası Hərbi Prokurorluğunun İstintaq İdarəsində istintaq olunan cinayət işi üzrə müvafiq əməlləri törətməsinə əsaslı şübhələr olan Müdafiə Nazirliyinin Mənzil-İstismar İdarəsinin sabiq rəisi, polkovnik Məmmədov Elmar Heybətqulu oğluna Azərbaycan Respublikası Cinayət Məcəlləsinin 179.4-cü, 311.3.1-ci, 341.2.3-cü və digər maddələri ilə ittiham elan edilmiş, Azərbaycan Respublikası Hərbi Prokurorluğunun təqdimatına əsasən, Bakı hərbi məhkəməsinin qərarı ilə barəsində həbs qətimkan tədbiri seçilmişdir.
Hərbi Prokurorluqdan Adalet.az-a verilən məlumata görə, hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi, o cümlədən hər bir fakta və əmələ hüquqi qiymət verilməsi təmin ediləcəkdir.
*** 18:36
Müdafiə Nazirliyinin Mənzil İstismar İdarəsinin sabiq rəisi polkovnik Elmar Məmmədov həbs edilib.
Adalet.az “Qafqazinfo”ya istinadən xəbər verir ki, polkovnik korrupsiya cinayətlərinə görə məsuliyyətə cəlb edilib.
Sabiq idarə rəisi 10 gün əvvəl həbs edilən Mənzil-İstismar İdarəsinin Əsaslı və Cari Təmir bölməsinin sabiq müdiri Rəhim Laçınov və digərləri ilə əlbir olaraq xüsusilə külli miqdarda (659 min manat) dövlət vəsaitini mənimsəməkdə və külli miqdarda rüşvət almaqda ittiham olunur.
Ona qarşı Cinayət Məcəlləsinin 179.4-cü (mənimsəmə-xüsusilə külli miqdarda ziyan vurmaqla törədildikdə) və 311.3.2–ci (dələduzluq-təkrar törədildikdə) maddələri ilə ittiham irəli sürülüb.
Bakı Hərbi Məhkəməsinin qərarı ilə polkovnik Məmmədov haqda 4 aylıq həbs qətimkan tədbiri seçilib.
Digər Xəbərlər

Sən Azərbaycan polisisən! - VİDEO

Son bir ildə 2599 qohum nikahı qeydə alındı

Rövşən Rzayev vətəndaşların növbəti qəbulunu keçirib - FOTOLAR

Azad edilmiş ərazilərdə daha 440 mina aşkarlandı

Fərid Əsgərova general-mayor rütbəsi verildi

Üç qurum “Azərbaycanfilm” kinostudiyasındakı partlayışla bağlı məlumat yaydı

Polis ən ağır günlərdə belə dövlətin və xalqın yanında olub
