Mingəçevir Dövlət Universiteti (MDU) "Ali Təhsildə Keyfiyyətin Təminatı" Milli Simpoziumunda Təmsil Olunub

26-27 sentyabr 2024-cü il tarixində ADA Universitetində "Ali təhsildə keyfiyyətin təminatı" mövzusunda ilk milli simpozium keçirilib. Təhsil sahəsində mühüm əhəmiyyət kəsb edən bu tədbir, Təhsildə Keyfiyyət Təminatı Agentliyinin (TKTA) dəstəyi və təşkilatçılığı ilə baş tutub. Simpoziumda ölkənin müxtəlif ali təhsil müəssisələrindən gələn çoxsaylı nümayəndələr iştirak etmiş və ali təhsil sistemində keyfiyyətin təmin olunması ilə bağlı geniş müzakirələr aparılıb.
Mingəçevir Dövlət Universiteti (MDU) də bu əhəmiyyətli tədbirdə təmsil olunub. Keyfiyyət təminatı və davamlı inkişaf şöbəsinin müdiri Azad Mirzəbəyov təmsil edərək, ali təhsildə keyfiyyətin təmin olunmasına dair aktual məsələlər və yeniliklərlə bağlı fikir mübadilələrində fəal iştirak edib.
Simpozium çərçivəsində keçirilən panel müzakirələr və seminarlar zamanı, ali təhsil müəssisələrinin inkişafında keyfiyyətin təmin edilməsi, təhsil prosesinin daha effektiv idarə olunması və bu sahədə beynəlxalq təcrübənin tətbiqi barədə geniş məlumat verilib
Qeyd edək ki, Mingəçevir Dövlət Universiteti (MDU ) keyfiyyət təminatı və davamlı inkişaf istiqamətində atılan hər bir addımı dəstəkləyir və ali təhsilin inkişafı üçün qarşıya qoyulan məqsədlərə çatmaq yolunda fəaliyyətini davam etdirir.
Digər Xəbərlər

Həmkarlar təşkilatı adını dəyişdi

43 mindən çox uşaq məktəbəhazırlıq qruplarına qəbul olub

Bağçalara qəbul başladı

Ən yüksək balı onlar topladı

II və III qrup üzrə qəbul imtahanının nəticələri açıqlandı

ADA Universitetində dövlət sifarişli yerlərin sayı açıqlandı

Lənkəran Dövlət Universiteti “QS Stars” audit qiymətləndirilməsində 3 ulduza layiq görülüb
