adalet.az header logo
  • Bakı 8°C
  • USD 1.7
15 Noyabr 2022 12:53
893
MƏMLƏKƏT

Mənzilinizdə istilik var?!

Noyabrın 15-dən «Azəristiliktəchizat» ASC Bakı şəhərindəki yaşayış binalarına, sosial obyektlərə, məktəblərə və uşaq bağçalarına istilik verməlidi. Tərs kimi havalar da noyabrın 14-ü axşamından soyuyub və paytaxtda fasiləsiz yağış yağır. Təbii ki, belə havada mənzillər qızdırılmalıdır. Bəs əsl həqiqət necədir? Bakıda bütün mənzillərə istilik verilirmi?!

Başqasını deyə bilmərəm, Suraxanı rayonunun Yeni Günəşli yaşayış sahəsinin «D» massivindəki binalara və o cümlədən bizim 13-cü binaya noyabrın 15-i olsa da, hələ ki istilik verilməyib. Ümumiyyətlə, həmişə bizim yaşadığımız binaya istilik noyabrın 21-dən sonra verilir.

Əslinə qalsa, binalara istilik noyabrın 1-dən verilməlidi. Sovet dövründən qalma, qanuna görə isə istilik noyabrın 15-də verilir. Bu barədə açıqlama verən «Azəristiliktəchizat» ASC-nin sədrinin vəzifəsini müvəqqəti icra edən İlham Mirzəliyev bildirir ki, bu məsələ tezliklə həllini tapacaq. Mövsümün tez və yaxud gec başlanmasını təyin etmək təkcə bizim səlahiyyətimizdə deyil. Bu məsələyə müxtəlif dövlət qurumları kompleks yanaşmalı və geniş fikir mübadiləsi aparmalıdır. Amma bu məsələ bizim gündəmimizdədir.

Göründüyü kimi, hökumət və məlum qurum da çalışır ki, havalar soyuyan kimi əhalini istiliklə təchiz etsin. Təki belə olsun! Kor nə istər: iki göz – biri əyri, biri düz!

Emil FAİQOĞLU