Parisdə yerləşən Luvr Muzeyi noyabr ayının sonlarında baş verən su sızmasının Misir Departamentinə məxsus yüzlərlə əsərə zərər verdiyini açıqlayıb.

Adalet.az xəbər verir ki, sızmanın 26 noyabrda baş verdiyi bildirilib.

Məlumata görə, Misirologiya jurnalları və tədqiqatçıların istifadə etdiyi elmi sənədlərdən ibarət təxminən 300-400 artefakt təsirə məruz qalıb. Zədələnmiş materialların 19-cu əsrin sonu və 20-ci əsrin əvvəllərinə aid olduğu bildirilir.

Muzeydən bildirilib ki, əsərlər tamamilə sıradan çıxmayıb və onların bərpası istiqamətində işlər görüləcək.