adalet.az header logo
  • Bakı 20°C
  • USD 1.7
24 Yanvar 2022 12:41
236
DÜNYA

London diplomatlarının bir hissəsini Kiyevdən çıxarır

Britaniya xarici işlər nazirliyi, Ukraynada vəziyyətin gərginliyi fonunda səfirliyinin bir çox əməkdaşlarını və onların ailə üzvlərini bu ölkədən çıxarmağa başlayıb. Səfirliyin üalan əməkdaşları fəaliyyətlərini davam etdirəcəklər.
  
"Səfirliyin bir sıra əməkdaşlarını və onların ailə üzvlərini, Rusiya tərəfdən gələn təhlükə ilə əlaqədar Kiyevdən çıxarmaq məcburiyyətində qaldıq. Səfirlik açıq olacaq və öz fəaliyyətini davam etdirəcək"- deyə XİN-dən bildirilib.
  
Rusiya tərəfi dəfələrlə heç bir ölkəyə hücum etməyə hazırlaşmadığını bəyan etsə də, Qərb və ABŞ NATO qüvvələrinin Rusiya sərhədlərinə döğru genişləndirilməsi üçün bəhanələr axtarılır. Rusiya prezidentinin mətbuat xidmətinin rəhbəri Dmitri Peskov bəyan edib ki, ölkə ərazisində hərbi qüvvələrini hərəkət etdirmək, onların hüquqları çərçivəsindədir. "Biz heç kimi hədələmirik və heç kim üçün təhlükə yaratmırıq. Bu heç kimi narahat etməməlidir"- deyə o, bildirib.

Rüstəm Hacıyev