Kukla Teatrında daha bir maraqlı layihə reallaşacaq
Mütəmadi maraqlı layihələrlə balaca teatrsevərləri sevindirən, hazırladığı tamaşalarla onların tamaşaçı zövqünü formalaşdırmağa çalışan Abdulla Şaiq adına Azərbaycan Dövlət Kukla Teatrında daha bir maraqlı layihə reallaşacaq.
Belə ki, 28 May - Respublika Günü münasibətilə teatr Dənizkənarı Bulvar İdarəsi ilə birlikdə bulvar ərazisində açıq hava konserti reallaşdıracaq.
Teatrın nəzdində fəaliyyət göstərən "Oyuq” teatr-studiyasının həvəskar aktyorları tədbirə dəvət olunacaq valideyn himayəsindən məhrum olmuş uçaqlar, eləcə də şəhər sakinləri qarşısında öz istedadlarını nümayiş etdirəcəklər.
28 may saat 18.00-da (məkan: Bulvarın Dövlət Kukla Teatrının yaxınlığındakı ərazisi) başlanacaq konsertdə studiyanın fəalları kiçik səhnəciklər nümayiş etdirəcək, repertuarlarında yer alan vətənpərvərlik mövzulu mahnılarını ifa edəcəklər.
Tədbirin təşkilindıə məqsəd balacalara bu günün önəmini aşılamaq və müstəqil dövlətimizin yetişən nəsillərə diqqət və qayğısını nümayiş etdirməkdir.
Teatrı-studiyanın balaca izləyicilərinə bayram sovqatı bununla da kifayətlənmir. Belə ki, 1 İyun – Uşaqların Beynəlxalq Müdafiəsi Günü münasibətilə teatrda tamaşa-konsert təqdim olunacaq. "Oyuq”çular əvvəlcə repertuarlarında yer alan maraqlı səhnə işlərindən olan "Şahın xudpəsənd oğlu” tamaşasını nümayiş etdirəcək və ardında musiqi çələngini təqdim edəcəklər.
Qeyd edək ki, hər iki tədbir xeyriyyə məqsədilə təşkil olunur və balacaların iştirakı sərbəstdir.
Digər Xəbərlər
29 Aprel 2024 14:57
İstanbul Su Yolu üzərində memarlıq möcüzələri: İkonik Boğaziçi malikanələrini kəşf edin!
29 Aprel 2024 12:31Azərbaycanda ilk dəfə Milli Xalça Festivalı keçiriləcək
29 Aprel 2024 11:52İranın mədəniyyət naziri Azərbaycana gələcək
27 Aprel 2024 16:23Xankəndidəki yeni royal heç vaxt kökdən düşməyəcək - VİDEO
26 Aprel 2024 17:33