Çərşənbə axşamı günü axşam saatlarında baş nazir Meloni başçılığında toplanan nazirlər şurası müxtəlif mövzularda mühüm qərarlar qəbul edib. Müvafiq olaraq, nazirlər şurası süni ət də daxil olmaqla, sintetik qida və yem istehsalı və satışını qadağan edən qanun layihəsini qəbul edib.

Hökumət qanun layihəsinin qanuna çevrilməsi üçün parlamentin aşağı və yuxarı palatasının təsdiqini gözləyəcək.

Kənd Təsərrüfatı Naziri Françesko Lollobrigid, Nazirlər Kabinetinin iclasından sonra təşkil edilən mətbuat konfransında, “Zənginlərin yaxşı yediyi, kasıbların isə yemədiyi bir cəmiyyətdə sintetik qida ilə sosial ədalətsizlik riski var“- deyə bildirib.

Səhiyyə naziri Orazi Schillaci hazırladıqları qanun layihəsini müdafiə edərək, "Bu gün sintetik qidaların təsiri ilə bağlı elmi araşdırma olmadığı üçün bu ehtiyat qanunudur" - deyib..

Schillaci, bu qanun layihəsi ilə vətəndaşlarının sağlamlığını ən yüksək səviyyədə qoruduqlarını və Aralıq dənizi pəhrizinə əsaslanan qida-kənd təsərrüfatı mədəniyyətini qoruduqlarını ifadə edib.

Hökumətin təsdiq üçün parlamentə təqdim edəcəyi qanun layihəsi qanuna çevrilərsə, qanunvericiliyi pozanların 60 min avroya qədər cərimələnəcəyi nəzərdə tutulur.

Nazirlər Şurası həmçinin ailələri və biznesləri yüksək enerji ödənişlərindən qorumaq üçün 4,9 milyard avro ayrılmasını təsdiqləyib.

Eminquey