İranda yağıntıların az düşməsinə və quraqlıq səbəbindən su anbarları böhranlı vəziyyətdədir.

Adalet.az xəbər verir ki, bu barədə İranın Su və Kanalizasiya Şirkətinin icraçı direktoru Haşem Əmini deyib.

Əmini qeyd edib ki, İran illərdir quraqlıq şəraitindədir. 

Şirkət rəsmisi deyib ki, ölkənin 62 min su anbarına su daxilolması ciddi şəkildə azalıb və ötən 57 ildə ən az yağıntı anti-rekordu qeydə alınıb. Ölkənin əsas su anbarları, o cümlədən Əmir-Kəbir, Lar, Zayənderud, Dusti acınacaqlı vəziyyətdədir.