İran hökuməti benzinin üçüncü tarif üzrə qiymətini iki dəfə artıraraq 1 litr üçün 50 min rialdan 100 min riala çatdırıb.

Adalet.az xəbər verir ki, bu barədə sentyabrın 8-də dövlət televiziya və radio şirkəti IRIB məlumat yayıb.

Bununla yanaşı, ilk iki kateqoriya üzrə qiymətlər dəyişməyib və müvafiq olaraq 1 litr üçün 15 min və 30 min rial olaraq qalıb.

Qiymət artımı yanacaq kartındakı bütün limitlər başa çatdıqdan sonra tətbiq olunan üçüncü tarif qrupuna şamil edilir. Əvvəllər bu tarif üzrə benzinin 1 litri 50 min riala satılırdı.