HƏMAS-ın İsrailə atdığı raketlərin SAYI AÇIQLANDI
![](https://www.adalet.az/uploads/img/posts/2023/12/06/13jpg-1701869139.jpg)
"HƏMAS oktyabrın 7-dən İsrailə 11,5 mindən çox raket atıb, onlardan 2 mini Fələstin anklavının ərazisinə düşüb".
Adalet.az TASS-a istinadla xəbər verir ki, bunu keçirdiyi brifinqdə İsrail hökumətinin sözçüsü Eylon Levi bildirib.
Onun sözlərinə görə, 2 mindən çox buraxılış uğursuz olub: "Bu mərmilərin əksəriyyəti Qəzza zolağına düşüb və əhəmiyyətli dağıntılara səbəb olub".
Eylon Levi bildirib ki, Qəzza zolağında hərbi əməliyyatlar başlayandan bəri İsrail Müdafiə Ordusunun qoşunları HƏMAS komandirlərinin azı yarısını öldürüb: "Qoşunlarımız aviasiyanın dəstəyi ilə Qəzza zolağı daxilində irəliləməyə davam edir. HƏMAS-ın hərbi imkanları əhəmiyyətli dərəcədə azalıb".