Həkimə bəraət verildi
Bu gün Bakı Apelyasiya Məhkəməsində narkotik vasitələri saxlamaqda ittiham olunan həkim Babək Ədalətlinin apelyasiya şikayəti üzrə məhkəmə başa çatıb.
Vəkil Elçin Sadıqovun APA-ya verdiyi məlumata görə, məhkəmə onun barəsində bəraət hökmü çıxarıb.
Qeyd edək ki, həkim işləyən Babək Ədalətli 29 may 2013-cü il tarixdə Daxili İşlər Nazirliyinin Baş Mütəşəkkil Cinayətkarlığa qarşı Mübarizə İdarəsinin əməkdaşları tərəfindən saxlanılıb.
O, Cinayət Məcəlləsinin 234.4.3-cü (qanunsuz olaraq külli miqdarda narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddəsi ilə ittiham edilib.
Bakı Ağır Cinayətlər Məhkəməsində keçirilən proses zamanı Babək Ədalətlinin ittiham olunduğu Cinayət Məcəlləsinin 234.4.3-cü maddəsi dəyişdirilib. Məhkəmə hökmünə əsasən Babək Ədalətli Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) maddəsi ilə ittiham edilib və 2 il müddətinə azadlıqdan məhrum edilib.
Hökmdən narazı qalan Babək Ədalətlinin vəkili apelyasiya şikayəti verib. Vəkil Babək Ədalətlinin günahsız olduğunu əsas gətiriblər və onun barəsində bəraət hökmünün çıxarılmasını istəyiblər.
Digər Xəbərlər
03 May 2024 15:55
Məhkəmə Yunis Səfərov və digərləri ilə bağlı qərar verib
03 May 2024 11:11Azərbaycanda işçilərin maaşlarını mənimsəyən vəzifəli şəxslər cinayət məsuliyyətinə cəlb olundular
01 May 2024 17:20Azərbaycanda korrupsiya əməliyyatının TƏFƏRRÜATI - Vəzifəli şəxslər cinayət başında TUTULUBLAR
30 Aprel 2024 14:53Məhkəmə Elnarə Qasımova barədə qərar verib
30 Aprel 2024 12:49