Gürcülərə qapı açıldı
Martın 28-dən etibarən Gürcüstan vətəndaşları Avropaya vizasız gedib-gələcəklər.
Adalet.az APA-ya istinadən xəbər verir ki, bu dəqiqələrdə Tiflis şəhərinin sakinləri və ətraf rayonlardan gələn Gürcüstan vətəndaşları, həmçinin etnik azlıq nümayəndələri, o cümlədən soydaşlarımız Aİ ilə vizanın liberallaşdırılmasının qüvvəyə minməsi ilə bağlı Tiflisdə təşkil olunan Qala konsertdə iştirak edirlər.
Baş nazir Giorgi Kvirikaşvili Qala konsert keçirilən tədbirdə canlı yayıma çıxaraq vizanın ləğv olunması münasibətilə Gürcüstan vətəndaşlarını təbrik edib. Ötən gün Tiflisin küçələrində müxtəlif rəqs və mahnı qruplarının konserti də keçirilib.
Gürcüstan Barışıq və Vətəndaş məsələləri üzrə dövlət nazirinin müşaviri Zaur Darğallı deyib ki, Gürcüstanın növbəti məqsədi Avropa İttifaqına üzv olmaqdır:
"Gürcüstanda demokratiya dəyərlərinin qorunması, üzərimizə götürdüyümüz islahatların, öhdəliklərin düzgün həyata keçirilməsi öz bəhrəsini verib. Bu, bütün Gürcüstanın sevincidir. Gürcüstan hökumətinin növbəti məqsədi isə Avropa İttifaqına üzv olmaqdır. Güclü, təhlükəsiz, azad Gürcüstan üçün bu məqsədə nail olmaq isə bizim arzumuzdur”.
Digər Xəbərlər
05 May 2024 19:47
"Azərbaycan COP29 tədbirləri zamanı ölkələri atəşkəs bağlamağa dəvət edə bilər”
04 May 2024 22:54İƏT-in 16-cı sammiti Azərbaycanda keçiriləcək
04 May 2024 20:26Azərbaycan və Türkiyə XİN başçıları qarşılıqlı maraq doğuran məsələləri müzakirə ediblər - YENİLƏNİB
04 May 2024 14:08İlham Əliyevdən Xankəndi ilə bağlı SƏRƏNCAM
03 May 2024 20:04