Erməni bloger, jurnalist Bella Lalayan millətçi olmaqdan başqa həm də hadisələrə real qiymətlər verməyi bacaran ictimai fəaldır. Onun ötən ay sosial şəbəkə hesabında etdiyi paylaşım dediklərimizə sübutdur: "Bu iki il ərzində İlham Əliyevin gördüyü işlərin miqyasını görəndə adam dəli olur.

Əliyev Füzulini, Laçını, Ağdamı, Qubadlını yenidən qurur. Sonra da deyirsiz ki, Azərbaycan tərəfinin video və fotolarını yaymayın. Niyə? Çünki mənfur niyyətləriniz üzə çıxıb?İki ildə görülən işin iki faizini 30 ildə etməmisiniz. 30 ildir ki, normal informasiya strategiyası və mübarizəsi belə formalaşdıra bilməmisiz".

Adalet.az xəbər verir ki, erməni jurnalist Bella Lalayan növbəti dəfə öz sosial şəbəkə hesabında  həqiqəti söyləyib. O,Xankəndidəki mövcud vəziyyətə görə qanunsuz xuntanı günahlandırıb:

“Ey əclaflar, millət satqınları! Əgər gedib bu təkliflərlə (Azərbaycanın mərkəzi hakimiyyətinin təkliflərini nəzərdə tutur - red.) razılaşacaqdınızsa, niyə bu qədər insanın həyatını məhv etdiniz? Niyə yenə də bu qədər qurban verdiniz? Niyə bu insanları 10 ay blokadada saxladınız? Ac saxladınız? İnsanları niyə zirzəmilərə göndərirdiniz ki, qeyri-insani şəraitdə yaşasınlar? Niyə? Ay Qarabağ cəlladları!”

 Qeyd edək ki, hələ 2021-ci ildə  jurnalist Bella Lalayan sosial şəbəkə hesabındakı paylaşımı diqqət çəkmişdi: “30 il ərzində Xankəndidə tunelimiz, asfaltımız olmadı. Indi Füzuli – Şuşa tunelinə baxın, yerə girin”.

 Əntiqə Rəşid