Azərbaycanın Xalq artisti Ənvər Həsənov xəstəxanaya yerləşdirilib.

Adalet.az xəbər verir ki, bu barədə aktyorun dostu Vasif Ayan məlumat yayıb.

O bildirib ki, Ə.Həsənov bir neçə gündür, xəstəxanadadır.

“Xalq artisti Ənvər Həsənov səhhətində yaranan ciddi problemlərə görə bir neçə gündür xəstəxanaya yerləşdirilib. Qızı Aytənlə əlaqə saxladım, Ənvər müəllimin vəziyyəti dünən səhər saatlarında müalicə aldığı xəstəxanada qəfil pisləşmişdi. Hazırda müalicəsi həkim nəzarəti altında tam ciddi formada davam edir”, – V.Ayan deyib.