Havaların get-gedə istiləşməsi ilə əlaqədar olaraq çimərliklərə üz tutanların sayı günbəgün daha da çoxalır. Təbii ki, əksər çimərliklərdə insanların istirahət etməsi və çimməsi üçün hər cür şərait yaradılıb. Amma elə çimərliklər var ki, orda çimmək Respublika Gigiyena və Epidemiologiya Mərkəzi tərəfindən qadağan edilib və eyni zamanda xilasedicilər həmin yerlərdə fəaliyyət göstərmir.

Ona görə də qeyri-qanuni fəaliyyət göstərən və xilasedicilərin olmadığı yerlərdə çimsəniz, bəzi hallarda boğula bilərsiniz. Bir daha əlaqədar qurumlar çimərliyə gedənlərə xəbərdarlıq edərək bildirir ki, onlar xüsusi icazəsi olan və fəaliyyət göstərən çimərliklərdə istirahət etsinlər. Əks təqdirdə, kimsə bu qanunsuz çimərlikdə çimsə və boğulsa onu xilas edə bilməyəcəklər.