Deməli, İran İsrailə güc göstərisi yapandan və bu güc göstərisi alınmayandan sonra dərhal BMT-yə və  ABŞ-a da bir «üzr» məktubu  ünvanlayıb ki, bizim müharibə etmək istəyimiz yoxdur. Sadəcə olaraq, Dəməşqdəki  konsulluğumuza İsrailin hücumunun intiqamını almaq istədik. 

Yadıma  məşhur bir lətifə düşdü. 

Dovşan  hər gün gəlir çayın kənarına, çayın o üzündəki ayını  çağırır:

- Miş, miş…

Ayı da tənbəl-tənbəl  çıxıb soruşur ki, nədi ə, danbalaq? 

Dovşan da ayının var-yoxu qalmır, söyür-söyür, ayı da ərinir  çayı keçməyə və dovşan da  çıxıb gedir.   Ayı da yığılır  boğaza, bir gün çayı keçir, gözləyir dovşan nə  vaxt gələcək. 

Dovşan da bütün qohum-əqrəbalarını  yığır başına, gətirir  çayın  kənarına və deyir:

- Siz ölün, ayının  üzünə  qarşı söyürəm  qorxusundan  mənə cavab verə  bilmir.

Və sonra durur  çayın  kənarında yenə bağırır:

- Miş, miş…

Ayı kolluqdan çıxır tutur dovşanın  qulağından, qaldırır  yuxarı və deyir:

- Nə istəyirsən?

Dovşan görür vəziyyət  ingiliscədi, deyir:

- Dyadya Miş, bütün qohum-əqrəbalarımı yığıb gətirmişəm ki, səndən üzr istəyim. 

İndi emblemi və totemi şir olan İran həmin  dovşanın  gününə  düşüb.