Bloqer Sevinc Hüseynovanın jurnalist Səidə Bəkirqızına qarşı xüsusi ittiham qaydasında verdiyi apellyasiya şikayəti üzrə məhkəmə prosesi keçirilib.

Adalet.az-ın "Unikal"a istinadən məlumatına görə, Sumqayıt Apellyasiya Məhkəməsində hakim Elman Əhmədovun sədrliyi ilə keçirilən ilkin baxış iclasında bloqerin jurnalistə qarşı vermiş olduğu ittiham öz təsdiqini tapmayıb. 

Bu səbəbdən prosesdə şikayətin rədd olunması haqqında qərar qəbul edilib. 

Xatırladaq ki, bloqer Sevinc Hüseynova jurnalist Səidə Bəkirqızına qarşı Cinayət Məcəlləsinin 147.1-ci (Böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə, mediada və ya kütləvi nümayiş etdirildiyi halda internet informasiya ehtiyatında yayma) və 148-ci (təhqir) maddələri ilə məsuliyyətə cəlb edilməsi ilə bağlı Sumqayıt şəhər Məhkəməsinə müraciət edib.

Sumqayıt Şəhər Məhkəməsində hakim Ramiz Quliyevin sədrliyi ilə Sevinc Hüseynovanın Səidə Bəkirqızına qarşı xüsusi ittiham qaydasında verdiyi ərizəyə baxılmışdı.

Məhkəmə baxışının nəticəsi olaraq xüsusi ittiham qaydasında verilmiş şikayət icraata götürülməyib.