Baham adalarının məşhur turizm məkanı olan Bimini körfəzində köpək balığının hücumu nəticəsində iki amerikalı turist yaralanıb.

Adalet.az xarici KİV-ə istinadən xəbər verir ki, hadisədən sonra hər iki turist əlavə tibbi yardım üçün təyyarə ilə Nyu-Providens adasına aparılıb.  Baham adaları polisi hücumla bağlı araşdırma başlatdıqlarını açıqlayıb.

Səlahiyyətlilər bildiriblər ki, hər iki qurban ABŞ vətəndaşıdır və üzgüçülük zamanı hücuma məruz qalıblar.  

Hadisə fonunda adada turistlərin dənizə girməsinə məhdudiyyətlər qoyulub.