Azərbaycanda yeni qanun layihəsi
Azərbaycanda Əmək Məcəlləsi ilə müəyyən edilmiş peşə fəaliyyəti yüksək təhlükə ilə bağlı olan şəxslər vaxtaşırı psixoloji müayinədən keçəcəklər.
Adalet.az Trend-ə istinadən xəbər verir ki, bu məsələ yeni hazırlanan "Psixoloji yardım haqqında" qanun layihəsinə daxil edilib.
Layihəyə əsasən, Əmək Məcəlləsi ilə müəyyən edilmiş peşə fəaliyyəti yüksək təhlükə ilə bağlı olan şəxslər ödənişsiz, yəni işəgötürənin vəsaiti hesabına vaxtaşırı psixoloji müayinədən keçməli, zərurət olduqda psixoloji yardımla təmin edilməlidirlər.
Ödənişsiz əsaslarla psixoloji tibbi yardım almaq hüququna həm də məktəbəqədər və orta təhsil müəssisələrində təhsil alanlar, tutulmuş və həbs edilmiş, cəza çəkməkdən azad edilmiş şəxslər, Silahlı Qüvvələrdə xidmət keçən hərbi qulluqçular, sosial xidmətə cəlb olunmuş şəxslər, fövqəladə hallar zamanı zərər çəkənlər və onların nəticələrinin aradan qaldırılmasında iştirak edən şəxslər, tibbi-sosial reabilitasiya zamanı əlilliyi olan şəxslər və onların ailə üzvləri malik olacaqlar.
Şəxs yaşayış yeri üzrə dövlət ambulator-poliklinika müəssisəsində və həmin müəssisənin göndərişi ilə ixtisaslaşdırılmış dövlət tibb müəssisəsində ödənişsiz psixoloji yardım ala bilər.
Qanun layihəsinə görə, yuxarıda qeyd edilən şəxslər, yəniödənişsiz psixolji yardım almaq hüququna malik olan şəxslər istisna olmaqla, psixoloji yardım alan digər şəxsin arzusu ilə ona bu yardım anonim də göstərilə bilər.
Qeyd edək ki, "Psixoloji yardım haqqında" qanun layihəsi Milli Məclisin oktyabrın 30-da keçiriləcək plenar sessiyasında birinci oxunuş üçün müzakirəyə çıxarılacaq.
Digər Xəbərlər
05 May 2024 17:29
Bakıda güclü külək əsəcək, bəzi çaylardan sel keçəcək - XƏBƏRDARLIQ
02 May 2024 17:40Norveçli səyahətçilər Ağdamda olublar - YENİLƏNİB
02 May 2024 13:40Cəbrayılın Horovlu kəndinə ilk köçün tarixi açıqlandı
02 May 2024 10:13İlin sonuna qədər bütün azad edilmiş rayonlara qayıdış başlayacaq
02 May 2024 09:03