Azərbaycanda 3868 nəfər itkin düşüb
Ən son məlumata görə, Əsir və itkin düşmüş, girov götürülmüş vətəndaşlarla əlaqədar Dövlət Komissiyasında 3 868 itkin düşmüş, 1 437 nəfər isə əsir və girovluqdan azad olmuş şəxs qeydiyyata alınıb.
Adalet.az xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının əməkdaşı Nailə Dadaşova deyib.
Komissiya əməkdaşı bildirib ki, itkin düşmüş şəxslərin 3123 nəfəri hərbçi, 745 nəfəri mülki şəxsdir. Onun sözlərinə görə, mülki şəxslərin 62 nəfəri uşaq, 262 nəfəri qadın, 302 nəfəri isə qocadır: "Əsir və girov götürülməsi barədə məlumat daxil olmuş 873 şəxsin isə 591 nəfəri hərbçi, 282 nəfəri mülki vətəndaşdır. Mülki vətəndaşların 29 nəfəri uşaq, 99 nəfəri qadın, 112 nəfəri qocadır".
N.Dadaşova bildirib ki, ötən dövr ərzində 1 437 nəfər əsir və girovluqdan azad olunub ki, onlardan 351-i hərbçilər, 1086 nəfəri isə mülki vətəndaşlardır.
Digər Xəbərlər
05 May 2024 17:29
Bakıda güclü külək əsəcək, bəzi çaylardan sel keçəcək - XƏBƏRDARLIQ
02 May 2024 17:40Norveçli səyahətçilər Ağdamda olublar - YENİLƏNİB
02 May 2024 13:40Cəbrayılın Horovlu kəndinə ilk köçün tarixi açıqlandı
02 May 2024 10:13İlin sonuna qədər bütün azad edilmiş rayonlara qayıdış başlayacaq
02 May 2024 09:03